Un aviso di Alerta a ser manda riba red social door di un ciudadano.

Un Aviso di Alerta a ser activa riba red social  door di un cuidadano cual a bira viral. Apesar cu nos no a logra haya contacto y un confirmacion riba esaki nos di Power FM a tuma e desicion di saca e articulo aki toch cu e pensamento cu PREVENI Y AVISA ta miho cu lamenta, mas ainda despues cu den un solo fin di siman a tuma lugar dos caso stranjo unda a haya un dama semi sunu inconciente den banjo na area di hotel nan grandi, aki detencion di un persona masculino a tuma lugar sospecha di a abusa sexualmente di e dama, den e mesun fin di siman aki a haya un otro dama inconciente na parada di bus unda polis y paramedico mester a duna asistencia y e dama a wordo transporta pa hospital y polis ta haciendo nan investigacion, no ta conoci si e dos caso nan aki ta relaciona cu otro.

Un cuidadano a pone un alerta riba un of mas persona cu lo ta acerca dama nan pa asina ofrece un presunto crema (lotion) of perfume, e cuidadano aki ta conta poco mas di henter e situacion cu e mes lo mester a experencia den un parkeadero. Lesa pa bo mes y sea Alerta semper pa cualkier situacion cu bo por haya sospechoso y reporta esaki 

alerta

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com