Parlamentario Rober Candelaria ta evadi un debate radial jama pa Parlamentario Rocco Tjon.

Oranjestad, Aruba 

Despues cu siman tras di lomba a tuma lugar diferente entrada judicial den un investigacion grandi cu a cuminsa y cu ta hiba e nomber di caso AVESTRUZ Parlamentario Rocco Tjon a invita (reta) su colega Sr. Candelaria pa un debate radial pa asina adresa e tema di persecucion politico. Caso AVESTRUZ su autor principal ta Ex Minister Benny Sevinger cual tawata encarga cu otorgamento di Tereno tanto comercial of recidencial. Durante anja nan di gobernacion di Gabinete Eman ll hopi tawata e rumor nan y te hasta acusacion cu tawata bin dilanti riba tereno nan comercial cu negoshi ta wordo haci cu nan. Tur esaki tawata tin un patronchi cu sea e Minister tawata sa di dje of e tawata bira cara pa otro banda mientras su hende nan di confiansa tawata haci esaki, Carta nan di peticion pa tereno comercial ta wordo manda pa Minister riba nombe di negoshi (NV) pa asina wordo desaroya, cos cu no tawata tuma lugar. Loke si tawata tuma lugar ta e benta di e NV na prijs nan astronomico y asina e negoshi tawata tuma lugar. Despues cu a sali na cla cu caso AVESTRUZ a cuminsa partido AVP a usa e strategia pa haci un (Damage Control) hibando e lema cu AKI  ta trata di un persecucion politico y cu ta partido MEP ta esun cu a haci e denuncia contra di e EX Minister. Parlamentario Rocco Tjon a desmenti e ponencia di AVP y alaves a reta su colega Robert Candelaria kende mescos cu Tjon a ocupa posicion halto den cuerpo di justicia publicamente  den un entrevista di radio, Tjon a reta su colega pa un dabate publico pa asina splica con proceso nan judicial ta cana, segun Tjon no lo bai directamente den e caso mes mirando cu esaki ta un caso den desaroyo y lo por perjudica e investigacion, loke si Tjon kier pa pueblo compronde con un proceso manera esaki ta inicia y cu di ningun manera politica por tin influencia riba e proseso. 

Tjon vs Candelaria 

Mientras tawata tin un expectativa grandi pa e debate aki Parlamentario Robert Candelaria no a acepta e invitacion bisando cu e no ta corecto pa discuti un investigacion cu ta tumando lugar, Riba e facebook di Sr. Candelria e la pone un splicacion pa kiko e no ta acepta e invitacion di su colega Sr. Rocco Tjon. link di Rober Candelaria   (https://www.facebook.com/rjcandelaria/posts/10211746562178920) mester bisa si cu ora bo lesa e motibo nan di Candelaria e ta poco confuso. Parlamentario Candelaria ta haci mencion cu e no ta debati ja cu ta e propio Tjon ta esun cu a haci e denuncia segun Candelaria, tambe e ta menciona cu no ta Benny Sevinger so ta bou di investigacion y cu tambe un otro Ex Minister y e Minister actual, acusacion cu no tin base si bo tuma nota di Ministerio Publico. Ta sinti cu e candela cu Partido AVP tin awor aki bou su pia nan a bira mas Grandi. Nunca den historia di Nos Isla algo manera loke ta tumando lugar jega di Pasa, 1 ex Minister condena na 4 anja di Prison ( Paul Croes ) y 2 ex Minister bou Investigacion (Benny Sevinger) bou investigacion Penal y (Richard Arends ) cu un investigacion Forensico pa caso contrato RDA. Mientras Tanto e Lider di Partido Mes bou un silencio Hermetico relaciona cu esaki nan ,algo cu den pasado ja caba nos a conoce ora cu Paul Croes a cuminsa wordo investiga. Ta remarcable cu un biaha mas un di e top nan di partido AVP ta wordo investiga penalmente mientras cu e ta den funcion y ta sigui traha y cobra manera nada un pasa, esaki nos a wake den caso IBIS unda Paul Croes a sigui cobra salario di Minister te hasta na momento cu e tawata na KIA. Nos lo por spera esaki tambe di Parlamentario Sevinger ? E lo sigui pretende cu nada no ta pasando y sigui traha y cobra ? of Benny si lo duna su mes e Honor di distancia mientras cu e investigacion ta cana su caminda ?

Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com