E cancer di corupcion no ta algo cu ta sosode na Aruba so sino Mundial 

Oranjestad, Aruba

E cancer maligno cu ta cabando cu hopi carera di politico nan jong y di es nan cu hopi mas experiencia tin un nomber " CORUPCION" no ta algo cu ta pasando na Aruba so unda nos por a wak Politico nan jong Manera Paul Croes cu a ser sentencia pa soborno, Richard Arends y awor Benny Sevinger cu ta bou investigacion pa Fix nan mes sea cu fabor nan of cu contract nan lucrativo. Na nos hermana Isla Curacao nos a wak con un Politico cu hopi futuro manera Gerrit Schotte cu tambe a ser condena pa 4 anja di prison pa un caso similar cu esun di Croes na Aruba, asina nos por sigui menciona hopi mas manera entre otro e Senadora Colombiana Aida Merlano cu siman nan atras  a protagonisa un Fuga al estilo pelicula despues cu e la wordo sentencia na 15 anja di prison pa labamento di cen entre e tanto cargo nan cu ta pisa riba su nomber. THE WASHINGTON POST a reporta na 2018  cu den un solo anja Ivanka Trump y su casa Jared Kushner a genera 82 miyon Dollars externo mientras cu tanto e yui y e yerno di President Trump ta traha como consehero prinsipar di White House esaki segun nan report financiero di anja 2017. Apesar cu no tin un investigacion andando y cu no por bisa cu tin corupcion a tuma lugar The Washington Post a cataloga esaki como un conflicto di interes, e presentacion cu e reportero investigativo nan a presenta ta mustra con e pareha a logra ingreso nan extraordinario cu un  cantidad di negoshi nan tanto local como internacional mientras nan ta den servicio di e Administracion Trump, algo cu experto nan den etica a bisa cu lo por crea presedente pa cu conflicto di Interes. E gobierno actual esta Gabinete Wever-Croes a trece dilanti cu nan lo instala un camara di Integridad cu lo preveni pa den futuro otro politico nan kai den e tentashon di Corupcion, apesar cu esaki no ta kla y ainda no tin mucho informacion con esaki lo funciona por bisa si cu Aruba mester esaki no awe si no ayera.

politico nan


Jama nos:
+297 585 2021
Adres:
Piedra Plat 44 C-D, Oranjestad, Aruba.
Telephone: +297 585 2021
E-mail: info@powerfm1017.com